Rega barang ba kandang menua ulu agi mar taja nadai agi GST - Randau Sarawak

Breaking

Sunday, August 5, 2018

Rega barang ba kandang menua ulu agi mar taja nadai agi GST

MIRI: Rega barang ungkup barang ke diguna ninting hari kelebih agi baka barang pemakai tebal agi ba kandang menua ulu Telang Usan agi mar taja diatu nadai chaj Chukai Barang enggau Servis (GST) pengudah atur perintah berubah kenyau 1 Jun nyin tu tadi.

Kaban Kunsil Nengeri (ADUN) Telang Usan, Dennis Ngau madah asil ari dipatau iya empu ba kedai renchit beberapa genturung pendiau antara iya Long Luteng enggau Long Palai, beratika rega barang enda nurun.

“Sebedau tu rega barang di menua ulu kelebih agi Baram mar laban bepun ari GST. Diatu GST udah nadai, anang deka nurun, tang nyau majak niki.”
“Nya alai aku minta ngagai opis menteri ti bekaul bejalai gawa nentuka rega barang enda terus niki baka ti udah disemaya sebedau bepilih tu tadi,” ku Dennis madah ngagai Utusan Borneo kemari.

Dennis merambu ngambika Menteri Dagang Dalam Menua, Koperasi enggau Pekara Bebelika Barang (KPDNKK) nganjung pemesai penerit adat gawa matau rega barang diguna di kandang menua ulu.

“Aku ngarapka perintah besai di baruh Pakatan Harapan (PH) ulih bejalaika pengawa mantu ngurangka belanja idup rayat di menua ulu baka ti udah disemaya sebedau 9 Mei tu tadi.”

Ba lansa bukai, siku pengempu kedai renchit di Long Luteng madahka sida enda ulih nurunka rega barang ngagai tikas kusung GST laban rega pemekal di Miri agi bedau nurun.

No comments:

Post a Comment