KM nyangkal berita 6 kaban parlimen nyereta Parti Pribumi Sarawak - Randau Sarawak

Breaking

Sunday, August 5, 2018

KM nyangkal berita 6 kaban parlimen nyereta Parti Pribumi Sarawak

KUCHING: Berita ti dikerembaika nengah media rama ti madah enam kaban parlimen Parti Pesaka Bumiputera Bersatu (PBB) setuju nyereta Parti Pribumi Sarawak, disangkal ulih Kepala Menteri (KM)Datuk Patinggi Abang Johari Tun Openg.

Iya ti nyadi Presiden PBB sereta numbuka parti serakup iya nya Gabungan Parti Sarawak (GPS) pengudah pansut ari Barisan Nasional (BN), madahka enda nemu sereta nadai nerima bekaul pekara nya.

"Ni aku nemu, dini iya nemu, aku pan enda nemu," ku iya.
Ditanya baru sekalika bisi nerima berita nya, iya madahka; "Nadai nadai," ku iya.

Abang Johari mansutka penerang iya lebuh ditanya bekaul enggau berita ti dikerembaika dalam media rama nengah Page Pribumi Sarawak ti madahka ‘Enam MP PBB/GPS setuju nyereta Parti Pribumi Sarawak (PRIBUMI)’.

Dulu ari nya, Abang Johari bejadika pengerami nyuaka Hadiah Pelajar Cemerlang Yayasan Sarawak 2018 ke diatur Yayasan Sarawak ba Dewan Serbaguna Swinburne University of Technology Sarawak Campus ditu, sehari tu.



No comments:

Post a Comment