Isu royalti Minyak Ti Dibantaika PH Enda Ngeruga Runding Pengundi Sarawak - Randau Sarawak

Breaking

Tuesday, March 13, 2018

Isu royalti Minyak Ti Dibantaika PH Enda Ngeruga Runding Pengundi Sarawak




Miri - Barisan Nasional (BN) pechaya isu royalti minyak ti deka dibantaika Pakatan HArapan(PH) be Pengawa Bepilih Besai ke 14 (PRU14) enda ngeruga sentimen pengundi Sarawak.Sapit Kepala Menteri datuk Amar Doughlas Unggah Embas madahka isu mulaika 20 peratus royalti minyak ngagai Sarawak nya isu lama ke dikena penyakal baru.

"Nya cherita lama, nengah kuasa penuh ti diberi ngagai perintah negeri ungkup industri minyak enggau gis di negeri tu, kitai deka bulih untung ke mayuh agi ari 20 peratus," ku iya madah ngagai pemberita pengudah bejadi program "Rabbies Mass Vacinnation" renggat Bagi Menua Miri ditu kemari.

Unggah ke mega Sapit Presiden Parti Pesaka Bumiputera Bersatu (PBB) pechaya pengundi ulih berati kediri empu bemacham pengawa digaga perintah diatu kelebih agi bekaul mulaika hak Sarawak baka ti diungkup dalam konstitusyen.

Kena Hari Dua minggu siti nyin tadi, Kepala Menteri Sarawak Datuk Patinggi Abang Johari Tun Openg madahka Sarawak deka nguasa penuh industri minyak enggau gis di negeri tu ke mega sebagi ari mulaika kuasa ari perintah besai.

Ku Abang Johari , pengawa mulaika kuasa nya setipak enggau pekara ti udah dipesetuju Menteri Datuk Seri Najib untuk Sarawaknitihka ti udah diungkuo dalam Sempekat Malaysia 1963(MA63) ti enda sengaja beberapa taun ke udah , pia ku Abang Johari.

Kepala Menteri madah, pengawa munbuhka Petros sereta bejalaika hak konstitusyen ari abruhpekara 2(c) Rintai Negeri enggau8(j) Rintai Perintah Besai baka ke diungkup dalam Tusun Kesemilan Konstitusyen Perintah Besai endang asil randau mulaika kuasa perintah negeri enggau perintah besai.

Chairman PH Sarawak Chong Chieng Jen Empai Lama udah besemaya ngungkupka tujuh batang perkara dalam manifesto Sarawak ungkup rayat negeri tu ba PRU14 sereta mulaika royalti minyak 20 peratus ngai Sarawak ngagai Sarawak enggau Sabah.

Kelimpah royalti minyak, Chong mega madahka Pakatan Harapan deka meri 50 peratus ari chukaike diulih nya diberi ngagai Sarawak, ngapuska chukai Barang enggau servis(GST), ngenanka Bantu Rayat 1Malaysia(BRIM), negapka rega minyak sereta mulaika subsidi petrol.

No comments:

Post a Comment