SPR udah nginsil PRK DUN Pujut



Notis nginsil Pengawa Bepilih Mit (PRK) Kunsil Nengeri (DUN) Pujut udah berengkah dipandangka di Dewan Suarah Miri enggau Opis Pegawai Pengatur Pengawa Bepilih, kemari.

Chairman Komiti Pengawa Bepilih (SPR) Datuk Seri Mohd Hashim Abdullah madah, sida udah ngaga Aum Khas bejuraika status proses PRK Pujut berindik ari pemutus Kort Tinggi Kuching kena Hari Enam tu tadi.

Menijar Pengawa Bepilih ngambi atur ke patut lalu nginsil ‘Writ’ Pengawa Bepilih Mit lalu madah ngagai SPR kena lemai 17 Jun tu adi.

“Berindik ari nya, SPR maya Aum Khas sehari tu (kemari) mutuska iya nya semua proses PRK nya, sereta haribulan ke udah ditetapka sebedau tu dikinsil setipak enggau pemutus kort nya.

“Notis bekaul enggau PRK Pujut dikinsil udah dipandangka Pemesai Pengatur Pengawa Bepilih di Dewan Suarah Miri enggau Opis Pemesai SPR sehari tu (kemari),” ku iya madah nengah sebengkah penerang ke dianjung nuju media, kemari.

Hari Enam tu tadi, Kort Tinggi Kuching nginsil pemutus ti digaga DUN ningkilka Dr. Ting Tiong Choon nyadi Kaban Kunsil Nengeri (ADUN) Pujut ngujungka kerusi Pujut nya puang.

Nangkan nya, kort mutuska kebendar penuduk nya enda puang lalu ADUN, Dr. Ting agi mengkang nyadi ADUN ti sah ungkup sitak nya.


Facebook Comment