Pengereja pengawa perintah dikemendar ngambi kemisi sehari ngintu Hari Kaamatan, Gawai Dayak


PUTRAJAYA: Bepun ari taun tu, orang ke gawa di opis perintah, ada di Sabah, Sarawak sereta Wilayah Persekutuan Labuan, lalu gawa di Semenanjung Malaysia dikemendarka ngambi kemisi sehari (kemisi nadai rikod) ngintu Hari Kaamatan enggau Gawai Dayak.

Opis Menteri Besai ti mansutka surat nya, madahka kemisi nya dikemendar sereta dipesetuju Menteri Besai, Datuk Seri Mohd Najib Tun Razak.

Dalam surat nya, iya ngarapka kemisi nya ulih meri awak ngagai pengereja pengawa ke gawa di opis sereta ejensi perintah ulih nyambut hari besai nya enggau sida sebilik di Sabah enggau Sarawak.

Ungkup peranak Sabah ari etnik Kadazan Dusun, pengerami hari besai Hari Kaamatan diintu kena 30 Mei enggau 31 Mei, lalu Hari Gawai Dayak ke diintu komuniti Dayak kena 1 Jun enggau 2 Jun. — Bernama

Facebook Comment