‘SarawakGov App’ mujur dipenyadi kemari




Aplikasyen rasmi Perintah Nengeri Sarawak ti mantu ngerembaika penerang pemadu baru pasal Sarawak. ‘SarawakGov App’ udah mujur dipenyadika Kepala Menteri Datuk Amar Abang Johari Tun Openg, kemari.

Sekretari Perintah Nengeri, Tan Sri Datuk Amar Mohd Morshidi Abdul Ghani madah, ‘SarawakGov App’ iya nya aplikasyen rasmi Perintah Nengeri Sarawak ti mantu ngerembaika penerang pemadu baru pasal Sarawak.

Aplikasyen rasmi Perintah Nengeri Sarawak tu deka nyengkaum berita Sarawak, pengerami ke diatur di Sarawak, gaya hari di Sarawak, dagang temuai Sarawak, penerang pasal Sarawak enggau lis aplikasyen rasmi Sarawak ke bukai.

Aplikasyen tu ukai semina ulih diguna peranak nengeri Sarawak aja, tang ulih dikebak bala temuai,” ku iya.

Morshidi mansutka pekara nya dalam jaku pengelalu nyerumba ‘Amanat YAB Ketua Menteri Sarawak’ ngagai Pengereja Pengawa Perintah Nengeri Sarawak, ke diatur ba sebuah hotel ditu, kemari.

Program nya kemari digulu urung 1,500 iku pengari pengeraja pengawa opis perintah nengeri enggau besai di nengeri tu nyengkaum ketuai opis.

Berebak enggau tu kemari, semua pengari pengereja pengawa opis perintah ke bisi datai ngagai program nya bisi ngangkat sumpah ‘Bebas Rasuah’ ba mua Kepala Menteri enggau Direktor SPRM Sarawak, Datuk Badrul Shah Norman.

Bekaul enggau pekara nya, Morshidi madahka dalam timpuh enam taun ke udah perintah nengeri udah bejalaika mayuh inisiatif nengah enam batang pekara  nyengkaum ke pemadu beguna, iya nya intigriti.

Kitai ke ngereja pengawa ke rayat enda tau enda mangku tanggungpengawa enggau manah sereta enda bechiping.

Laban penegap pengereja pengawa opis perintah bepanggai ngagai tikas pengarap tauka pechaya ari rayat.

Nyerumba kitai ke macha sereta nyain sumpah ‘Bebas Rasuah’ sehari tu ba mua Kepala Menteri, kitai enda tauka enda ngenukuka sumpah tu dititihka, ukai semina sumpah aja,” ku iya.

Sama bisi datai ngulu program nya kemari Sapit Kepala Menteri Datuk Amar Douglas Uggah Embas sereta menteri kabinet nengeri ke bukai.

Facebook Comment