TIGA RATUS IKU MUJUR NERIMA SETIPIKIT BA KONVOKESYEN GRIP - Randau Sarawak

Breaking

Saturday, January 21, 2017

TIGA RATUS IKU MUJUR NERIMA SETIPIKIT BA KONVOKESYEN GRIP


KUCHING: Bagi Pemansang Modal Mensia Berhad( PSMB) ke dibaruh kuasa Opis Menteri Penguasa Pemayuh Pengereja Pengawa(MOHR) kemari ngatur Konvokesyen 1Malaysia Globally Recognised Industry and Professional Certification Programme (GRIP).

Tiga ratus iku orang gawa ti udah nembuka 15 bengkah latih di palan penyendia latih di Sarawak nerima setipikit ba konvokesyen ke diatur di seiti hotel ditu.

Pengawa nya dikemujur Menteri Dato Sri Richard Riot Jaem  ti bela nyuaka setipikit ngagai bala pesereta.

“Malaysia udah netapka juluk nyadi menua mansang bepemisi tinggi manggai ba taun 2020.

“Juluk tu ulih dijapai enti kitai bisi 35 peratus orang gawa peranak Malaysia bepengelandik lalu tu mih tuju program 1MalaysiaGRIP,”ku iya.

Nitihka penerang ari Riot kenyau dipungkal ba taun 2015, Program 1MalaysiaGRIP udah nempa(ngangkat, ngemaru sereta ngemayuh pengelandik) 23, 730 graduet, iya nya orang gawa di serata menua.

“Pemujur tiga ratus iku pesereta dikerami kitai sehari tu ke alai Sarawak naka ke diatu udah nempa lebih 1,000 iku orang gawa ari program tu,’tandu Riot.

Iya nambah MOHR udah nyendiaka belanja ba penyampau RM9 juta ungkup program 1MalaysiaGRIP.

Ba pengawa nya kemari, 20 bengkah kompeni(pengaji) ti meri kerejasama nyendia latih ungkup program nya nerima setipikit basa ari Riot.

Bela datai Sekretari Besai MOHR Dato Sri Adenan Ab Rahman, Sapit Sekretari Besai(Operasyen) MOHR Dr. Mohd Ghazali Abas, CEO PSMB Dato CM Vignaesvaran Jeyandran enggau Chairman Raban Direktor PSMB Dato Dr. Abdul Razak Abdul.

No comments:

Post a Comment