NANCY NGELEMPAI NGAGAI PERINTAH PEMUTUS MERI NAMA JEMATAN TAN SRI ADENAN - Randau Sarawak

Breaking

Monday, January 30, 2017

NANCY NGELEMPAI NGAGAI PERINTAH PEMUTUS MERI NAMA JEMATAN TAN SRI ADENAN



KUCHING: Menteri ba Opis Menteri Besai Datuk Seri Nancy Shukri setuju enti Jematan Batang Sadong ke baru tembu digaga, diberi nama Jematan Tan Sri Adenan Satem.

Atur nya ku iya dikena meri basa sereta pengingat ke pengawa manah ke udah diberi niang Tan Sri Adenan ngagai nengeri tu.

“Aku nadai bantah sentang pekara tu tang lempaika ngagai perintah ngaga pemutus.

“Aku deka nyukung ketegal kepala menteri kitai tu (Adenan) kala mega nyadi Kaban Parlimen(MP) Batang Sadong,’ku iya.

Nancy mansutka jaku nya lebuh dirandau pemberita ba pengerami ngelalu pengabang Taun Baru China SUPP ke diatur di Dewan Sa’Ati ditu, ensanus.

Kelimpah ari nya Nancy ke mega MP Batang Sadong madah mayuh agi palan bukai ke tau ngangkatka nama Adenan di nengeri tu.

‘Iya(Adenan) seiku ketuai ke udah ngangkatka penegap penyerekaup sereta pengelantang, engka sekeda palan endur ngelantang ati di nengeri tu tau ngangkatka nama iya.

No comments:

Post a Comment