JOHN LAU: ADENAN KETUAI TI PATUT NYADIKA CHUNTO, NGEMARUHKA DIRI, SIRU ENGGAU RAYAT SARAWAK

KUCHING: Chairman Polis Komuniti Sarawak Datuk John Lau Pang Heng madahka niang Kepala Menteri, Patinggi Tan Sri Adenan Satem siku ketuai ti patut nyadi ke chunto sereta ngemaruhka diri lalu seruran mendingka pinta enggau utai ti dikedeka rayat Sarawak.

Ku Lau, iya ditukuka inovatif sekumbang ke mangku pengawa nyadi Kepala Mentri, Adenan nadai belalai bejaku pasal autonomi ungkup Sarawak enggau hak rayat Sarawak.

“Kepala Menteri kitai ngintu semua komuniti sereta nyendiaka  belanja ukai semina sekula perintah tang mega sekula China. Iya pechaya ba pengawa negika pengelikun enggau pengelantang ba mensia mayuh lalu gerempung kitai bejalaika pengawa nuju juluk nya.

“Kitai tekenyit sereta sinu ati ninga pemidang Kepala Menteri kitai. Kitai lenyau siku anak Sarawak lalu kitai deka seruran ingatka iya. Iya mih ke ngiring kitai, rayat, bekempit nadai kala udah baka nya sebedau tu.Kitai deka lelengauka iya,”ku Lau kemari.

Presiden Gerempung Orang Dagang Sarawak (SEA) Simon Wong madahka iya seruran bebasaka Adenan nyadi ketuai lalu semina iya aja ti mendingka sebarang utai ti disadaka rayat.

“NgarikaGerempung Orang Dagang Sarawak (SEA), kami tekenyit sereta sinu ati enggau pemidang Kepala Menteri Kitai Datuk Patinggi Tan Sri Adenan Satem.Gerempung kami bebasaka  Adena nyadi ketuai. Kami deka lelengauka iya.

“Semina iya negika hak kitai, lalu nya pengelenyau besai ngagai rayat  Sarawak,” ku iya.





Author:

Facebook Comment