PEMANAH ENGGAU PENYELAI AJAT IBAN ULIH DIPANDANGKA NENGAH TEATER


LUNDAI: Raban orang indu benung mandangka ajat nitihka tusun “Ensera Raja Langit “ ngagai bala temuai ke bisi datai.

KUCHING: Pengawa mandangka cherita mitos Iban Ensera Raja Langit nengah drama enggau tanda Ngajat, mujur narit ati orang ti datai sereta rinduka ensera enggau cherita pengingat tuai Iban, ke diatur ba Auditorium Tun Ahmad Zaidi Adruce, Palan Pematih Pengajar (IPG) Batu Lintang ditu, malam ensanus.

Presiden Serakup Ngajat Asal Iban Sarawak (NGASI), Ajat Sumoh madahka, drama klasik deka ulih narit sereta meransang serak ‘Y’ pasal drama klasik enggau tanda Iban, kelimpah ari nempa semengat beserakup enda ngira bansa, jalai pengarap enggau umur.

“Objektif besai tu diatur iya nya dekan ngayanka pemanah enggau penyelai tanda Iban iya nya Ngajat sereta klasik nengah chara ti bebida iya nya drama enggau teater.

“Mitos Raja Langit iya nya sebengkah ari klasik Iban ti nyeritaka Princes ti nurun ari langit lalu begulai enggau mensia di dunya sereta nyelamat ari perang lalu nempa pengelantang pendiau pengidup mensia di dunya.

“Cherita klasik chukup dikerindu sereta dikesayauka raban bansa Iban lalu cherita nya ditampung ari serak seiti ngagai serak seiti,” ku iya.

Nitihku Ajat drama nya dipasuk 35 iku penari ke lalu nyadi pelakon sereta 12 iku pemain muzik asal.
Ku iya, tu keterubah iya Ngasi ngatur sereta diatur nengah drama enggau tanda asal Iban iya nya Ngajat, ari kaban Ngasi.

Nambahka nya objektif bukai program nya diatur dikena ngerapitka kaul antara raban bansa Iban lebih agi raban nembiak ngambika ulih nampung sereta rindu adat enggau main asal Iban.

Ngasi ngarapka program ti baka nya meruan dipajakka jemah ila sereta narit mayuh agi raban biak Iban ngetanka main asal Iban, awakka enda punas ngapa.

Tu mega peluang ngagai indu enggau lelaki Iban ke biak mantaika pengelandik Ngajat kelimpah ari ngetanka adat enggau main asal bansa nya.

Ajat madahka diri puas ati laban objektif, visi enggau misi gerempung nya udah dijapai sereta ngarapka deka teulihka penyulut ti lebih manah agi jemah ila.

Bisi datai ngemataka program nya ngarika Sapit Kepala Menteri Datuk Amar Douglas Uggah embas iya nya Pemesai

Author:

Facebook Comment