BENA SUNGAI BATANG LUPAR TEBILANG DI SERATA DUNYA - Randau Sarawak

Breaking

Sunday, October 16, 2016

BENA SUNGAI BATANG LUPAR TEBILANG DI SERATA DUNYA

Nyata dipeda tetiap maya pengerami tu diatur Pasar Sri Aman dedat laban mensia mayuh ari serata dunya: Harden

Disalin Ari Kelvin Lambai //

SRI AMAN: Pasar Sri Aman ukai aja tebilang enggau produk dagang temuai 'Fenomen Bena' ba mensia mayuh di menua nya tang penyadi asal nya mega ditemu mensia diserata dunya enggau antarabansa.

Menteri Muda Ekonomi Menua Pesisir enggau Kebun Bedandang Besai Sarawak, Datuk Francis Harden Hollis madah, Bena Sungai Batang Lupar entarapenyadi ti nyelai di dunya lalu keempat besai di dunya ti majak dikerindu temuai antarabansa.

"Penyadi asal tu ke bendar udah ngangkat nama Sri Aman dimata dunia lalu dikelala mensia mayuh ba renggat antarabansa," ku iya bejadi Pesta Benak Sri Aman edisyen ke-14 ungkup taun 2016 ba Tebing Sungai Batang Lupar Sri Aman ditu lemai kemari.

Nyata dipeda ku iya, tetiap maya pengerami tu diatur kenyau ari taun 2001 nyentuk ke diatu, Pasar Sri Aman dedat laban mensia mayuh ukai aja ari Sarawak, Semenanjung enggau Sabah tang mega temuai antarabansa baka ari Perancis, Austraslia sekeda menua di Asia.

"Berani aku madahka Pesta Benak di Sri Aman tu ke bendar iya udah dikelala mensia mayuh di serata dunya lalu kitai ti nyadi rayat di Sri Aman patut temegah ati laban Sri Aman tebilang di serata dunia," ku iya.

No comments:

Post a Comment