Sarawak, Perintah Besai enggau Petronas patut bekerejasama - Randau Sarawak

Breaking

Saturday, September 17, 2016

Sarawak, Perintah Besai enggau Petronas patut bekerejasama


Sarawak, Perintah Besai enggau Petronas anang charut sereta sama nyingkang ke mua ngambika sama teulihka pemujur.
Menteri Besai Datuk Seri Najib Tun Razak madah munyi tu ba pengerami Gempuru Hari Malaysia 2016 begulai enggau staf Petronas ba Dewan Suarah ditu kemari.
Ku iya, enti Petronas enggau perintah besai bulih pemujur, Sarawak mega deka mujur lalu teulihka penguntung lalu ulih ngasaika mayuh agi belanja ungkup pemansang.
“Aku komited deka meda pemansang di Sarawak ngambika sama sebaka enggau pemansang di Semenanjung tMalaysia.
Rayat Sarawak anang irau pasal pekara tu.
Ku Najib baru, kededua perintah besai enggau Sarawak ulih bekerejasama, Petronas deka mujur.
“Ba runding aku kerejasama meseti ditempa ngambika kitai sama ulih mansang laban kitai deka majak kering enti begulai,” ku iya.
Iya madah, engka bisi bida be penemu tang sida ulih duduk berandau lalu ngiga chara mutarka penanggul baka ti udah.
Dulu ari nya, iya madahka Petronas udah ngemegah sereta ngelantangka menua tu kenyau  ditumbuh dalam taun 1974 lalu udah nyapai mayuh pemujur ba renggat menua enggau entarabansa.
Nengah operasyen ti dipejalaka di serata dunya ba lebih 30 buah m enua, iya madahka  Petronas udah nyadi ‘angsa ti ngemansutka telu emas’ ngagai menua tu.
“Kitai enda tau enda sama ngintu dikena nentuka iya mujur. Nya menteri besai, aku komited deka nyadi organisasyen ti mujur. Mya mih komitmen aku.
“Berebak enggau nya, kitai enda tau enda ngembuan mayuh runding ngambika tau nyadi inspirasyen ke rayat Sarawak.
“Sebedau tu kami bisi baum enggau Kepala Menteri Datuk Patinggi Tan Sri Adenan Satem seduai presiden PetronasDatuk Wan Zulkiflee Wan Ariffin, seraya ngenegapka kaul dikena nentuka Petronas teulihka pemujur lalu nyadi ‘ikon’ ti dikemegah sereta meri pengelantang ng agai kitai,” ku iya.
Bekaul enggau nya mega, iya madahka diri deka meda mayuh agi peranak Sarawak ngisi pengawa puang ba Petronas bepelasarka ‘merit’.
Ku iya, enti sida bisi pengelebih, sida deka ditiki pangkat.
“Ukai ketegal sida peranak Sarawak tang ketegal sida bisi pengelebih lalu ulih ngereja pengawa.
“Kami enggai dipeda kelalu sempit runding laban kami ukai semina berundingka penuduk kami di Sarawak tang mega pengereja pengawa Petronas di Sarawak ngambika teulihka pemujur di Kuala Lumpur, muna tasik engagu endur bukai,” ku iya.
Dulu ari nya, Adenan madahka perintah Sarawak lantang ati enggau pemereti ati Petronas ba pekara tu dalam isu entara perintah nengeri enggau kompeni multinational nya.
Aku kala madah sebedau tu, kami enda ulih bulih pemujur enti semina ngemata aja. Kami deka regas ngaul diri ba industri minyak enggau gis di nengeri tu,” ku iya.
Iya mega madah,192 iti pengawa puang ba Petronas deka diisi peranak Sarawak deka dibantaika ba surat berita.
“Semua jaku ti madahka peranak Sarawak enda tetangkupka pengawa nya patut nadai agi didinga.
“Petronas deka nyendia 50 iti awak ungkup peranak  Sarawak nampung pelajar di Universiti Teknologi Petronas,” ku iya.
Sama bisi ngulu pengerami nya Adenan, Wan Zulkiflee, Sapit Kepala Menteri Datuk Amar Douglas Uggah Embas enggau Datuk Amar Abang Johari Tun Openg, pemangku Sekretari Nengeri Datu Ismawi Ismuni, Menteri Perengka Guna Mensia Mayuh Dato Sri Dr Stephen Rundi,  chairman Petronas Tan Sri Mohd Sidek Hassan, Menteri Kunsil Kandang Menua Professor Datuk Dr Sim Kui Hian.
BP

No comments:

Post a Comment